Töwekgellik

Töwekgellik etmän, bütin ömrüni
howp astynda goýýan akylly mahluk,
seresap adamlar köp bolar mydam,
olar saňa serederler uzakdan,
begenerler eger işiň oňmasa,
türmä düşseň, ýylgyrarlar bildirmän,
emma çyksaň gynanarlar çen-çaksyz,
ýurtdan gaçsaň, gybat edip yzyňda,
ölseň, ýitseň bolan bolup gynanan,
il ýüzüne aglan bolar käbiri,
töwekgellik etmedikler kämahal,
töwekgellik edenlerden hatarly,
howsalaly ýoly geçmeli bolar,
her adamyň öz käsesi bar, ondan
guýanyň ne bolsa, içmeli bolar.