Läbik howpy

Batgalykdan, süýşüp gelýän ýa gelen,
çykmak üçin ýa-da gutulmak üçin,
başlanmagy üçin gymyldyň ilki,
batga batan iliň, basybalyjy,
elitasy, belki, oýlanyp bilýän,
ýa-da gürrüň edip bilýän mantykly,
gaçyp çykan ýa-da ýurduň içinde,
diňläp bilýän başga pikir-garaýşy,
gapylmadyk gulaklary bireýýäm,
öldürmeli diýmän, bogmaly diýmän,
talamaly diýmän, öňküler ýaly,
ýazyjy ýa şahyr, beýikmiş örän,
emma goşun gyrsa, ogurlap haly,
palasyny, bilezigin naçaryň,
ganyna gark edip erkin milleti,
nämemişin, baryp alanmyş aryn,
begenýän adamlar gaýgyda bu gün,
aladada, nädip halas bolmaly,
ýurdy talap, gaçmalymy daşaryk,
ýa läbigiň aşagynda galmaly?..