Zerurlyk

Pikir-oýuň garjaşdyrjak başarsa,
bulaşdyrjak beýniň, başyň ýeterlik,
gaçyrjak özüňe hormat-sylagyň,
ynanýan zatlaryň ýykjak, uşatjak
ýagdaýlar bar, adamlar bar, bolmaly,
boljak zatlar, belki, adam ýaşasa,
ýöne sen özüňi günde, günaşa,
ýykylan ýa suwaglary gopuşýan,
binýady bek jaýlar ýaly gurmaly,
dikeltmeli, bu bir kada, zerurlyk,
adam bolsaň, hyk-çok etmän durmaly.