Ýigrenme

Gahar bilen garama sen yzyňa,
töhmet atan adamlary ýigrenme,
türmä basan adamlary ýigrenme,
gaty görme kemsidenden, gülenden,
oýnanlardan ykbalyňy aşyk dek,
özi diri, emma birçak ölenden,
basyp alnan, bir basgançak beýgelse,
basmalydyr diýip düşünýän bende,
basylan mydama başyndan aşak,
öz öýünde, sallançakdan tabyda,
ýüzi salyk, göwni galan, aýyply,
özün basan seni basman neýlesin,
erkek bolsa, aýalyny basanlar,
aýal bolsa, adamsyny basanlar,
çagasyny basan egninden aşak,
käse döwen ýaly döwen göwnüni,
bir-biregi basgylamak adaty,
dogan-gardaş, kiçi dilde sylagy,
seret ahyr nirä bardy ahyry,
çykyp bilen, gaçyp bilen begenýär,
hemem bolsa, dolanjak däl yzyna,
sen yzyňa gahar bilen seretme,
näme diýjek çöken ile dyzyna?