Çyrçykly çaga

Ýurduň abat bolmagyny islese,
ýa göreşýän bolsa milleti üçin,
garyp-gasar üçin, ezilýän, ölýän,
adam seniň işlemegiň islärdi,
islärdi ýazmagyň arman, ýadaman,
ýazyp bilýän adamlaryň azlygy,
ýa-da ýazmak isleýäniň kepenin
gara başa çolap, otuz ýyl bäri,
dürtülse-de garagyna ýoklugy,
gytçylygy bugdaý sözüň, çörek däl,
şükür, soramaly bolmanyň ondan,
obadaşym diýip, ildeşim diýip,
eliňi sowatjak bolmazdy işden,
ýazýan bolsaň, ýazmagyňy islärdi,
ýanýan bolsaň, ýanmagyňy islärdi,
ýa-da ýazyp görkezerdi has gowy,
ýa-da ýanyp görkezerdi has gowy,
ýagtyldardy gara, soňsuz gijäni,
islemezdi durmagyňy, garalap,
durar ýaly etjek bolmazdy bolman,
ýurduň abat bolmagyny isleýän,
aslyşmazdy bahyllykdan aýňalman.