Ýadaw goşgy

Öňem birniň aýdyşy dek ýylgyryp,
eger bolsa meniň başga pikirim,
başga garaýyşym, başga çen-çakym,
bu aňlatmaz meniň duşmandygymy,
ýa-da sizi ýigrenýänim aňyrdan,
kemsitjek bolýanym akyl-huşuňyz,
ýa bolmasa ugrun, ýolun ýitiren
samsykdygym, sadadygym aňlatmaz,
bu aňladar meniň başgarak gözli,
başgarak pikirli adamdygymy,
käte aýdyp, käte dymsam, aňladar,
belki, bu zatlardan ýadandygymy.