Eýle-beýle

Okamagyň deregine,
okatmagyň deregine,
öwrenmegiň deregine,
öwretmegiň deregine,
attestatyn satyn alýan,
satyn alýan diplomyny,
berim berip göge galýan,
çagasyny zaýalaýan,
gömýän görüp gelejegin,
hemem muňa buýsanýan il,
nirä barar, nirde galar,
saňa aýan, maňa aýan,
aýan, belki, özüne-de,
egri agaç ýarsgynyna,
ýatar, galar, odun bolar,
söz zaýalap nätjek zaýa,
eýle, beýle, şeýle olar.