Otly kesindini göterip gelseň

Garaňkyda, tümlük bürende ili,
bir asyr däl, basyp alyp duşmany,
taryhyny, dilin oýunjak etse,
goşgujyk ýazdyryp, ýazdyryp kyssa,
beýikligi hakda “uly doganyň”,
gurjak ýasap öz içinden ýüz müňläp,
bolmasa hiç halkyň bogan sogany,
içden iýip gije-gündiz puşmany,
otly kesindini göterip gelseň,
batan obaň batgasyndan dikelseň,
il başynda duran, iliň adamy,
nobatdaky gurjak ýigrener ilki,
ylgap ýazyp pes sanawa adyny.