Nankör

Kän eşitdim tanyş, biliş türklerden,
nankör bolsa, goýber, gitsin diýýärler,
saklama diýýärler adamy asla,
diýýär olar huýsuz bolsa, düzeler,
jahyl bolsa, akyl geler, belki-de,
ýa dargursak, sabyr ediň, düşüşer,
giňär göwni, emma gadyr bilmezi,
hezzet etseň, götermejek näkesi,
goýber, gitsin, hiç egleme, wagtyňy,
sagadyň däl, minudyňy ýitirme,
diýýär olar: “Nankör bolsa, adamy,
hiç üýtgemez, golaýyňa getirme!”