Dar milletiň içinde

Dar milletiň içinde sen,
zat görmedik, göreldesiz,
giň bolmagy öwrenmeseň,
aýagyňa çolaşýana,
çolaşýana ýüregiňe
öwrenmeseň ýylgyrmagy,
sowulmagy, ýoldaky dek,
ölüp-öçüp barýanlardan,
ýa kesseler öňüň birden,
tizligiňi gowşatmagy
öwrenmeseň bular beýniň
ysy, koky her bir zadyň,
iýseňem gan, iýmeseňem,
möjek bolar seniň adyň,
her ädimde gykylyga,
galmagala büdürärsiň,
dar milleiň içinde sen,
öňün görmez, görmez yzyn,
saga, sola seretmeýän,
giň bolmagy öwren, ýogsa
borsuň diňe çeken zyýan.