Ýurt ýüregi

Seniň gowy ýaraglaryň bolmaly,
ýeriňi, ýurduňy goramak üçin,
bolmak üçin mertbeli, döwletli,
oýnatgy däl, göterim däl, gülünýän,
seniň gowy ýaranlaryň bolmaly,
ýagy çozsa, ýetip gelýän ertesi,
ýurduň bölen, ýeriň alan duşmanyň
sapaklaryn bişirmeli, bilmeli,
öwretmeli çagalara puşmanyň
duşmandygyn, belki, duşmandan beter,
biz bitarap diýip aldamaly däl,
eger döwlet boljak bolsaň düzüwli,
örän gowy ýaraglaryň bolmaly,
örän gowy ýaranlaryň bolmaly,
ýöne ýaragdan öň, ýarandan ozal,
ýurdum diýýän ýürek gerek ynsana,
beýni gerek, kiçi dilden däl diňe,
iliň çagasyna diýýän jan, jana!