Hökümet awusy

Ýaralanan, aglan biler, ýylgyrmak
gutulmak däl, saplanmak däl derdiňden,
ganyň ýalap, çäge sepip çöl ýerde,
bitirmek däl ýaralaryň ymykly,
Garagumy geçip, ýurtdan gaçanyň,
ýat illerde gözýaşyňy ýaşyryp,
ýüregi ýaraly çagaňdan ilki,
dünýäni däl, belki, özüň açanyň,
unutmak däl kast edeni, geçmedik,
diňe oňa per bermezlik, öňünde
goýup gaýdyp awusyny, 'içmedik,
goý, özüňe nesip etsin' diýmekdir,
zäher beren zäherinden gutulmaz,
ýurduň söýmek dürs bolmagy söýmekdir.