Garran horaz

Horaz bolup oýnady ol,
öz sesine guwanyp,
bir özi dek Aýa aşyk,
ýa güneşiň dogany...

Näme diýse, aňyrsyndan
jyklap durdy bir many:
“Olam haýyn, bulam haýyn,
men haýyn däl ýekeje;
olam satan watanyny,
bulam satan watanyny,
men satmadyk ýekeje;
olam dinsiz, bulam dinsiz,
men imanly ýekeje;
o binamys, bu binamys,
men namysly ýekeje...”
Görmändim kän, ýolda duşdy,
salparypdyr kekeji.