Köne dünýä
Omar Haýýamyň äheňinde
Belet dünýä, onda ogry ogrynyň
arkasyna hopba bolup oturan,
a akylly asgyn geler akmakdan,
jedel etse, Aýy, Güni batyran,
bigaýratlar badyn alar gaýratyň,
binamyslar namyslyny utandyr,
parhy galmaz ilde eşegiň, atyň,
bagtyň bolsa jinnek ýaly, gaýgynyň
ummanynda gark ederler, bilseler,
guwanma sen, ýykylaňda gaçanlar,
dikeleňde gül-çemenli gelseler.