Nakyldan gelen sorag

Öňem agzy ala iliň, gowy däl,
öňem başlar bulam-bujar, garjaşyk,
öňem gahar, öňem kine ýeterlik,
öňem asla ynanýan ýok adama,
üstesine hudaýyna, toslanan,
belki-de, talamak üçin sadany,
öňem her kes gözläp, tapylsa gitjek,
aýak ýetse, hiç adamsyz adany,
nämä gerek bu gykylyk, galmagal,
ýodamy bu, ertir içit gazmaga,
ýa gurmaga geçitleri giň, gowy,
alyp barjak, gutulgusyz, geçmeli
zerurlykmy bir-biregi kemsitmek,
öňem agzy ala iliň, gowy däl,
öňem ýigrenç içimizden gemirýär,
ýa ýykylmak ýaraýarmy millete,
ýa-da bizi öküz etdi demir ýer?