Sakgal fenomeni

Arzansakgal ýaşulular birleşip,
murtdan bäri gelip bilmän özüne,
ogurlaýar gelejegin oglunyň,
ogurlaýar geljegin gyzynyň,
iki gün garnyny doýurmak üçin,
aç bolupdyr bütin ömri, ymsynyp,
kemsinip ýaşapdyr, gözünde arman,
bu bir pursat, ölmezden öň sadaka,
mejlisine çagyrylsa ýalanyň,
geler olar bolsa dyzynda kuwwat,
başlap berer ekişini milletiň,
başlap berer oragyny, bereket
dilän bolup, emma bilmez hereket
nirede togtady, nirede galdy,
sebäbi göreni, bileni zulum,
olara däl, ile, watana boldy.