Uruş däl uruş

Seni bomba bilen, öýüň ýumuryp,
ýok, keýpine öldürmeýär öldürýän,
öz ýurduny goraýarmyş, alaçsyz,
top atyp dyngysyz, gije we gündiz,
gideren ýerlerin alýarmyş yza,
dälmişin ol çozup gelen ýaragly,
ýa öl, ýa-da baky çök diýip dyza,
azmyşyn öň çökereni, gyrany,
derýa aşyp, dag, düz aşyp, durany
garşysynda hatda eli ýaragsyz,
çaga, çuga, aýal-ebtat, gul-gyrnak,
näme etse, edenmişin bialaç,
gowumyş ol, goňşy erbet duşupdyr,
goňşynyň goňşusy erbetmiş ýene,
düşünmänmiş, islänmişin artykmaç,
goşgularyn ýat tutsa-da, Puşkine.