Ýol hadysasy

Sen özüňe her atylan kesegiň,
daş, demiriň agyrysyn bilmersiň,
unudarsyň, belki, gidip barýarkaň,
sebäbi öňüňde menziliň bardyr,
ýetmelisiň, etmelisiň işiňi,
emma ýolda duşup biri tötänden,
halyňy sorasa, ýa özüň gowşap,
gürrüň berseň gören görgiň, azabyň,
düşünersiň iş salyşan bilimli,
ýa diplomly adamlaryň halyna,
hem täzeden seredersiň geň galyp,
ýokalan hem deşilmedik salyňa.