Bir pelle

Sen adamy daşlaşdyrýan sözleri,
hem özüňden, hem özgeden, ürküzip,
belki, artyk ulanmajak bolmaly,
hem özüňe çekjek bolup olary
arrygyňy gynamagy goýmaly,
goý, gitseler, daşlasalar gününe,
goý, batsalar batsyn kirşen, çaňyna,
köpçülige, sürä garyşyp günde,
ynansynlar bor-bolgusyz geplere,
ýitirsinler galan-gaçan ýyllaryn,
üstesine bilen bolup köp senden,
gep ursunlar onda-munda uludan;
sen adamy ýakynladýan sözleri,
adam saýyp hemmeleri birmeňzeş,
belki, artyk ulanmajak bolmaly,
sebäbi il gowy sözden özüçe,
niýetine görä çykarar many,
meger şundan, töweregin tananlar,
ne-hä sylar, ne ýigrener ynsany.