Hudaýyň ölümi

Hudaýy, allany, ýa-da taňryny,
ýaradany garyp öldürip bilmez,
açlygyndan, halys uwnup-çydaman,
bir-ýarymyn öldürse-de bigünäň,
baýlar öldir, begler öldir hudaýy,
ýüzläp, müňläp öldürende adamy,
iki sözi alla bolan agzynda,
gözün-başyn aýlap oýnatgy halkyň,
goran bolup palestinliň hakyny,
din-imanly adam bolup dilinde,
hakykatda gözi görmez, eşitmez,
näçe garyp ölsün, ýitsin ilinde,
olar aýagasty eder allany,
pukaranyň umydynda ýaşaýan,
dogry, demin sanap gorkudan käte,
açgözleriň açlygyndan üşeýän,
alla pahyr nätsin, öçensoň ody,
gazyny baýlara bagyşlan ilde,
baýadykça dönen soňky gedaýa,
garaşanlar, kesek astynda galyp,
düşünendir, belki, ölen hudaýa.