Ýorganyň aşagy

Içeriňe alyp gelme köçede
her eşiden gep-gürrüňiň, saralan,
ýata suwdan gurbaganyň sesini,
jiňňildisin çybyn bilen çirkeýiň,
gulagyňa gonan, agyz-burnuňa
girjek bolan siňekleri kowup gel,
hapa sözi alyp gelme ýürege,
şeri öýden başga ýana sowup gel,
düşegiňe girme kümsükler bilen,
gahar edip, kine edip, aslyşan,
aýagyňa kakan öňüňde durup,
ýorganyň aşagy özüňki bolsun,
öldürmejek bolsaň özüňi urup.