Biz

Bize hiç kim kömek etmez, bilmeli,
çünki aýagymyz ýetse, ýetmese,
iň ozaly öz-özümiz depýäris,
bize daşdan hiç ýagmaçy gerek däl,
urýarys özümiz, duýdurman gelip,
gara gije gelmeýäris hiç haçan,
talaýarys bir-biregi aç-açan,
gündizine, çagalaryň geljegin,
ertirlerin şu gün gömýäris ýere,
dilimizde haýyr, ýaradan, alla,
ylgap baryp şärik bolýarys şere,
bilinmeýän ýaly uýýarys nämä,
başbakan biz, ýa bakylan taýakly,
parhymyz ýok, münüp deşilen gämä,
batsak ýa batyrsak begenýän ýaly,
bize hiç kim kömek etmez, bilmeli,
hem gülmeli, boýun alman ahwaly.