Sokur-sokur oýny
It does not require many words to speak the truth. Chief Joseph
Uzyn sözüň geregi ýok,
hakykaty aýtmak üçin,
gaýtmak üçin yza, çykyp
batgasyndan ýalançynyň,
basyp alyp, ezen uzak,
eger gürrüň süýndürilse,
bilýäň özüň, gurlar duzak.
Eger gara gapyrjagy
açyp goýsaň gije-gündiz,
ýadamaýan ýalan sözläp,
ýadamasaň aldanmakdan,
ýa aňalsaň internetde
agzy agza ýetmeýäne,
bor-bolgusyz aýdym-saza,
gürrüňlere täze köne,
ýa guwansaň gygyrýana,
gazýanlara täze çukur,
il bolarsyň il bolmadyk,
oýnan bolup sokur-sokur.