Meýletin ölüm
Jorj Orweliň äheňinde
Ogry-jümrä, satlyklara, kezzaba
sesin berýän, goldaw berýän, gop berýän,
goraýanlar galatlary ýalan, çyn,
mejlis bolsa, metbugatda gep berýän,
gerek bolsa, janym berjek diýýänler,
başgalar däl, bir men gerçek diýýänler,
pidalary däldir ýalançyň, ogryň,
şärigidir dowam edýän uruşda,
halka garşy, garşy garyba, baýa,
şondan millet ýer ýykylyp ölmeýär,
ölýär özün özi edip gyr-zaýa.