Açyk syr

Öz-özüne haýyn adam, açyk syr,
haýyn diýer başga sözi aýdana,
öz-özüne dönük adam, açyk syr,
dönük diýer başga sözi aýdana,
wezipesi bolsa, emeli bolsa,
ýa bolmasa hiç bir zady, gandaly
beýnisine salan bolsa meýletin,
çagasyna dönük bolar adamlar,
haýyn bolar arzan satyp özüni,
diýilmeli sözi diýmeli ýerde,
şerden gaçyp, galar tükenmez şerde.

Ýok, düşünjek bolmaz, mesele näme,
düşünesi gelmez, düşünse hatda,
durup bilmez aşagynda düşünjäň,
ýa üstünde, müö düşündir, gaýtala,
gije ýatyp, degmez gören düýşüne,
öz-özüne haýyn adam köpeler,
inkär edýän öz-özüni üýşenip...