Kyn gatnaşyk

Diýipdirler çoýmak üçin özgäni,
ot bolma sen ojar edip özüňi,
bilen bolmaz, gülen bolar ýeterlik,
kül etjekler köp bolarlar közüňi,
seret, synla, el gowşurup gelenler,
ejiz güni, naçar güni adamdyr,
düşünenler näme diýseň baş atyp,
güni gowulaşsa sähel, beter däl,
üýtgär adam adamdygyň aňlasa,
ýazylarlar ýamanlygyň az bolsa,
görseler ýüregiň gyşyn däl, ýazyn,
görkezerler ýürekdäki aýazyn,
gowusy, daş sakla sazyň, owazyň.