Açyk syr

Biri-birin tapan tanap, tanaman,
gerek bolup, tapman başga çykalga,
erbet, gowy, biri-birinden beter,
haýaly, haýasyz, asylly, ýuwan,
pikir etme, çöp-çalama bölünmez,
her öwsen şemala aýlatmaz başyn,
öň aýlanan, belki, baran ýerinde,
iki-üçlek, alty-ýedi, on bolsun,
böljek bolma biri-birin tapany,
göreşýäni öz göreşin özüçe,
bolsun elde tanky ýa-da sapany.

Biri-birin örän tapan adamlar,
iki-üçlek, alty-ýedi, on bolsun,
arasyna girme çöp atjak bolup,
daş atma daşyndan diýip sowulsyn,
güýçlenmänkä, baryp almanka gala,
sen olary açjak bolma açarly,
sandyk ýaly içi durşuna bela,
meçew berip arly ýola çykana,
olar üýşüp, öz-özlerin açanda,
gyzdy ýa ýok, saňa näme kän pula,
eger özüň kürsä gyzýan bolmasaň,
nämä gerek düşmek beýle gul-gula?