Mejbury ömür

Kada-kanun ýok edilen ülkede
adamlar-da ýok ediler, jenjeli
yglan etsin ýa etmesin hökümet,
goramakdan geçen ýenjilen ili,
biri-birin iýer emel ýetenler,
emelsizler boýdan-başa eziler,
ýesir bolar çaga-çuga, aýallar,
diňe ak sakgally ýaşulular däl
kezzap bolar okuwçylar, hile-al
bilen okar, diplom alar, ýol alar,
pikir etmän soňra nämeler bolar,
diýen bolar, uýan bolar bir zada,
bir ynanjy – oýnamaly oýunda,
öz-özni oýnan bolup bar adam.