Inçelen umyt

Alla, gora diýip, ýalbardyk haka,
ýa ýaradan, ýurdumyzy aman et,
gora şerden, ahlaksyzdan, azgyndan,
emma beter boldy ýalbarsak näçe,
ýa alla-da satyldymy dollara,
ýa-da ogly-gyzy okuwa girip,
soňra lukman, ýurist ýa-da biznesmen,
ilçi bolup işlejekmi, mätäçmi,
ýa gorkaýrmy zyndanyndan KGB-äň,
aç hem suwsuz oturmaly ojaksyz,
gyşy sowuk, tomusyna dowzahda,
belki, kesmelidir umydy hakdan,
gutarmanka yzda galan ah-wahda?..