Ýalan pespällik

Boýun alsaň türmesinde döwletiň,
urup-ýenjen näme diýse, bor diýseň,
daşyndaky dosty-ýaryň, hossaryň,
hossar däller biler näme bolanyn,
ýöne diýer: Hanha, boýun alypdyr,
bermek üçin öz-özüne teselli,
şondan iliň türmeleri dolupdyr,
sözi ýalan, ýüzi ýalan, ýylgyrsa,
şondan iliň ýüki ýolda galypdyr,
gowy görer kim gygyrsa, kim ursa,
galypdyr ol öz päliniň astynda,
bolýar oňa asman dursa, ýer dursa.