Towakga

Sen hiç haçan sebäp bolma, başarsaň,
ynanýanyň ynamyny ýitirip,
çökmegine aşak, dyzyna galman,
gülen bolma soragyny berýäne,
ýa-da çykyp, aýtjak bolýana sözün,
gorkýan wagtyň özüň agzyň açmaga,
synanyşma gozgalanda mesele,
boş sakyrdap, gepi alyp gaçmaga,
ýa kürekliň küregini gaçyryp,
akymyň ugruna goýberip gaýgy,
gitmegine sebäp bolma, çöp-çalam,
agaç ýaly, palta görmän çapylan,
badyn alma aýdymçynyň, sazandaň,
başga bolsa heňi, çaýyrçy bolman,
bu hem oňa, hemem saňa gerekli,
seretjek bol dünýä ýüregiň solman.