Namart uruş

Arkamyzdan gelip assa,
hanjaryny urdy duşman,
nyşanasy ýürek, beýni,
etdiresi gelýär puşman...

Sowuk akyl gönder, alla,
eçil kuwwat beýnä, başa,
içimize dowul salma,
maňlaýymyz urup daşa?!

Ýene zalym gylyjyny,
saldy bize, yzdan gelip,
ýa ýagysy ýok oň başga,
ýa gyssanýar soňun bilip.

Alla, gora, ilimiz ýok,
dert aýdara, ýylgyrjak kän,
arkamyzdan hanjaryny
urdy ýene satylan han!