Başgalar we sen
Lao Tzunyň äheňinde
Başgalaryň baş atmagyn isleseň,
isleseň öwmegin, ýazgarmagyn däl,
sen olaryň bolmalysyň ýesiri,
türmesinde iki eliň gandally,
okaraňy kormuşkadan uzadyp,
guýan sarkyndysyn iýip ýaşaýan,
duzly, duzsuz, ýagly, ýagsyz, dandaman,
näme diýse diýip lepbeý ýa aman;
ýa olary etmelisiň ýesiriň,
basyp alyp ýerin, ýurdun, çagasyn,
ar-namysyn goýup özüne garşy,
bokurdakdan bogup, demini bermän,
başgalaryň baş egmegin isleseň,
gul bolmaly gelen bagty gidermän.