Eger

Eger siziň bilen bile
akja köýnek geýjek bolsam,
münjek bolsam akja maşyn,
(sebäbi ak alna ýagşy),
balak meňzeş, penjek meňzeş,
tahýa meňzeş, telpek meňzeş,
aýakgabym şol aýakgap,
jorabym-da üýtgeşik däl,
sagadymam siziňki dek,
iň esasy pikirlerim,
näme bolsa bolsun içde,
daşa çyksa, siziňki dek,
gülkim meňzeş, agym meňzeş,
aýdym-sazy, size ýakyn,
diňlesem men doýup bilmän,
kitaplary, size kybap,
okasam men, goýup bilmän,
ýorulmazdym hiç egilmän?