Adam meselesi

Ýok, mesele tirede däl,
taýpada däl, däl milletde,
gaçyp, tezip, hiç adamsyz
adalara gitseň hatda,
beýik görse, pes etjekler,
sagat görse, hassa etjek,
ýüzüň gülse, aglatjaklar
peýda bolar bir ýerlerden,
iň gowusy öwren günde
goranmagy kümsüklerden,
diýip ýa-da hiç zat diýmän
ýaralajak bolýan erbet,
ýok, mesele dinlide däl,
özün asyp barýan gökden,
ýa mesele dinsizde däl,
ýa ýaragy bolsun ökde,
ýaragyňdan çekseň eliň,
goşun çeker, çeker diliň,
ýa ýaragsyz, naçar diýip,
ýakynyňa getirseň kän,
güler gözüň agyn iýip.