Soňsuz gaflat

Ene-ata ak düşekde,
aýly agşam, bagty çüwüp,
näme işler edenini
gürrüň bermez çagasyna,
alla berdi seni diýer,
hudaý berdi seni diýer,
taňry berdi, ýa resul,
Muhammedi goşar işe,
Gurbanmyrat işan berdi,
ýa-da berdi seýit, magtym,
beýnisini ýuwar çagaň,
açar diýer alla bagtyň,
sebäp näme, aýtmaz olar,
bahanany banan edip,
iýdirmekden gaýtmaz olar,
köpeldikçe dinsiz dindar,
bolar, bolar, ile bolar.