Öýkeli kişi

Bahanajyk tapar ejiz,
öýkelän bor gowşak bende,
işi düşüp, üzeňňiňden
üç geçmäge taýyn ozal,
daşlaşdyrsa ykbal bir gün,
ara düşse dag hem deňiz,
jaň etmediň, hat ýazmadyň,
döwülen bor öz ýanyndan,
göwni bar dek näzik, ynjan
kişi bolan bolup oýnar,
çem gelene hüňür-hüňür,
içde galan iňňildisin
aýdyp berip duşan wagty,
käşgä şeýdip bagtly bolsa,
galan ýolun etse ýagty.