Täze ýylyň ýol kartasy

Gowy habarlaryň özüňde sakla,
aýdyp ýörme çem gelene, sebäbi,
gyýyljak bar, örtenjek bar içinden,
erbet habarlaryň özüňde sakla,
hatda yzda ejeň ölse, ýat ilde,
ýalňyzlykdan ýer sermenip, aglama,
begenjek bar, perişde däl adamlar,
aram habarlaryň özüňde sakla,
garaş, gowy habar bolsunlar ertir,
öwren açyk bolmazlygy mydama,
çem geleniň girip gitmegi üçin,
soň çykarmak aňsat bolmaz işikden,
hapa aýkgaply geçseler töre,
sakla özüň, gora özüň, ýitirme,
berme eltip diri girene göre.