Saýlanan suratlar

Adam, gowy, paýlaşypdyr
suratlaryn gözel iliň,
däp-dessura düşen ýesir,
ogurlanan bizden elin,
reňke baý, ýüzi ýagty,
garry, juwan, täze gelin,
biri örýär alajasyn,
beýlekisi keşde çekýär,
çelpek ýapýar ýene biri,
begenmeli, guwanmaly,
ne zamana, galsaň diri!

Iller nirde, biz nirede,
gara maşyn münmeli däl,
ak maşyna ýetmez puly,
ýetse, ýolda duranlara
baş egmeli, göýä guly,
eli bagly, dili bagly,
gepläp bilmez, gara günli,
suratlaryn gördüm iliň,
ýok içinde ogry, müýnli.