Iller dymsa

37 bir günde däl,
bir gijede başlanmady,
şu günki dek boldy bary,
diýýär indi käbirleri.

Daş-töwerek duşman kileň,
biri diýýär tutmaly kän,
gynamaly, atmaly kän,
öldürmeli, ýok etmeli,
beýlekisi başyn atýar,
gidýär nirä git diýilse,
edýär näme et diýilse,
atýar kimi at diýilse,
töhmet, şyltak oýun boldy,
millet gorkup, goýun boldy...

Öňem şeýle, asman açyk,
uruş ýokdy, gowga ýokdy,
saýraýardy guşlar şirin,
çagajyklar irden turup,
okuwyna howlugýardy,
a ulular işe, soňra
belli boldy gyrylanlar,
il aýtmasa bilinmeýär,
ýapyk jaýda urulanlar.