Iliň ýüzi

Sen tutulsaň, o birleri özüne
ýer tapylmaz diýer içerde, törde,
sen atylsaň, o birisi ok galmaz,
ýer tapylmaz öýder özüne görde;
sen asylsaň, pikir eder yzdaky,
ýüp tapylmaz indikini asmaga,
ýöne basyp alan häzire çenli
türme tapdy tutuljaga meýletin,
gabyr tapdy atyljaga meýletin,
ok getirdi özi atyljaklaryň,
ýüpün alyp geldi asyljak dardan,
adam bolsa, kazy bolsaň, günä kän,
goranmasa, näme diýseň bolmaýar,
iliň ýüzi iliň özi urmasa,
beýle uzak, beýle erbet solmaýar.