Beýik we pes

Tapawudy näme beýigiň pesden,
näme üçin ownamaýar iriler,
näme üçin ownuk bahyl mydama,
näme üçin öli bolýar diriler?

Beýik mydam pese berýär elini,
ýykylany galdyrasy gelýär oň,
bilenini gürrüň berýär gysganman,
boýun alýar kösenenin näçe öň.

A pesiňki başga, aşakda, pahyr,
galjak bolman ýokardakyň ýanyna,
aşak çekjek, öz deňine düşürjek,
dawa saljak eli ýetse janyna...

Beýik adam beýik bolar mydama,
a pesiňki mydam aýak köwmekdir,
aýak köwmäň, merdiwany ýykmagyň
gowy ýoly köwekleri öwmekdir.