Söz ýarasy

Adam ogly biri-birin
sözi bilen öldürer kän,
gözi bilen öldürer kän,
gowy bolsa, goranmasa,
gapma-garşy, içigara,
dogan bolsun, bolsun ene,
ata bolsun, bolsun aýal,
garalaýan ýakyn, ýady,
dili awy, zäher bolsa,
bolsa bolsun gowy ady,
adam diýlen, bile-göre,
ýa-da bilmän, bolup bilşi,
öldürer öz aýalyny,
ýer eder öz adamsyny,
ogul-gyzyn sözi bilen,
hiç çykmajak ýüreklerden,
dünýe doly, egsilmeýär,
basylyp ýör düreklerden.