Kömekçiler

Duşmançylyk edenlere,
ha ýokardan, ha aşakdan,
dostuň bolsun, dogan bolsun,
ýa ýedi ýat, iň keseki,
iş adamy, puluň guly,
göterilen iki şaýa,
ýa bolasy gelýän beýik,
ikiýüzli syýasatçy,
ýa ýazyjy, şahyrsumak,
ýa emelsiz, boş gybatçy,
goý, pes bolsun derejesi,
aram-aram sagbolsun diý,
deňagramlyk saklamaga,
seretmäge öz-özüňe
kömek eden adam olar,
o bolmasa, bu bolmasa,
näme bolmaz, näme bolar?