Zor gahryman

O birleri o taýda, geň,
ata-babasynyň gul edip ili,
bir ýerlerden getireni, satany,
gazanjyndan iýip-içip ýatany,
öldüreni üçin ötünç soraýar,
bu taýda birleri öz ilin ezip,
gul edinip, gyrnak edip zorlaýar,
hem döşüne orden dakýar, gahryman,
ýok diýeni türmä basyp horlaýar,
aç öldürýär, ýa gaçyrýar ýurdundan,
soň yzynda galanlardan ar alýar,
hem zor bolýar ýurdun satyp,
iýip-içip, bilmän ýatyp.