Ýowuz hakykat

Iki-ýeke ýazyjynyň, şahyryň,
žurnalistiň işi ýaly milleti
gujak açan gara gorpdan saklamak,
iki-ýeke hukukçynyň, çynçynyň
kysmaty dek bigünäni aklamak,
öz-özüni goýup okuň astynda,
haçan öljek, näme boljak belli däl,
ýa belli däl näçe göýdük kastynda,
bir tarapda gözsüz batyr hökümet,
bir tarapda il diýilýän jemende,
öz-özüne sylagyny ýitiren,
aýajagy az içinde ýykylsaň,
diýjegi kän: Haý, boldy-da, az saňa!
Adam adam ýok ýerinde adam däl,
gara gyş bor tomus bilen ýaz saňa.