Baş ogrynyň ussatlygy

Baş ogrynyň ölen güni golaýlap,
gar ýaganda pikir etdim ýene-de,
gelejegi ogurlanan nesiller,
“atam” diýip ses ederler eneden,
atasyndan aýrylan dek hamala,
uly ogry, uly kezzap milleti
özüne bap getirmekde kemala,
netijeli boldy, boldy edenli,
oňa näçe uly ogurlyk etse,
şonça uly ýadygärlik galdyryp,
ogurlanan millet, meýletin ýesir,
öz-özüni aldap, begenen bolýar,
basmak üçin içindäki hasratyn,
aňsat eken atdan ýykmak milleti,
öwüp bilseň bolýar taryhyn, atyn.