Taňry berse

Öýke-kine etme, agzyňa alma,
agzama adyny ýakynyň, ýadyň,
olarda ýok, sen baryňa şükür et,
senediňe aýdyp, egsip perýadyň.

Belki, köplük ýaramasa hiç işe,
pikir eder sen çekmeli ýüklerin,
gürrüň eder, nasyn atyp oturmaz,
günäkärsiň gaýnatmasaň söklerin.

Düşünmese adam özi kim, näme,
sereder ol öz gözünden, ýüzüňde
müýnüň görer, aýyp görer, saýgarmaz
öz kemini, many almaz sözüňden.

Sen bir başyn gowga salan oglansyň,
gara başyň satyn alyp, gaçmaly;
ýat illerde dik oturyp gijeler,
galamyňdan gan ýaşyňy saçmaly.

Öýke etme, kine etme hiç kimden,
bu bir ýoldur, ýeke özüň geçmeli,
taňry berse, nämä guýup, näçe gün,
belki, şerap, belki, zäher, içmeli.