Iki nadan

Bir nadany getirerler, goýarlar,
alajyň ýok, ýüzde-gözdür, bir gapy,
birnäçe ýyl işleşmeli bolarsyň,
baýramçylyk, toý, ýas, bolar gatnaşyk,
bu-da az dek, ulaldarlar gep tapyp,
sebäbi ol birlerine gerekdir,
üçleşilse, üçleşmeli bolarsyň.

Emma bir gün belli bolar nadanyň
nadanlygy, öz ornunda däldigi,
aýyrarlar, sag bol aýdyp zyňarlar,
ak kagyz dek ulanylan, gerek däl,
adam pahyr, gynanarsyň, elbetde,
ýöne indi alajyň bar, görmersiň,
islemeseň, çakylyga barmarsyň,
al ol geljek bolar, gatnaşjak bolar,
ozal saňa kesek kimin salynan,
çekileniň gaty görer, daş salar.