Seniň ýoluň
As you start to walk on the way, the way appears. Rumi
Ýola çykyp, ýöremeseň, ýol bolmaz,
ýoda bolmaz hatda inçejik, solak,
geläý diýip, ýöräý diýip ýalbarýan,
a gelmeseň, göwün edip, öýkeläp,
aýakgabyň alyp, boýnuna urýan;
bu öz işiň, seniň işiň, başgalar,
goý, doganyň bolsun, bolsun dolanan,
öz işleri ýeterlikdir, sag bolsaň,
turmalysyň, durmalysyň aýakda,
ýa bolmasa, bagtyň gözläp taýakda,
sütemkäriň goragynda durmaly,
öz-özüňe dikip agajyn daryň,
soňra bir gün toba edip şumjarsaň,
basgylansaň, alyp bilmeseň aryň,
iň erbedi ýaşan ýaşyň bilmersiň,
ýola çykyp, ýöremeseň, ýol bolmaz,
sen soň gaýdyp öz-özüňe gelmersiň.